2024 жылғы 20 наурызда Өскемен ЖЭО - да екі жарқын оқиға – «Үздік дастархан» байқауы және ұлттық киімдер көрсетілімі өтті.
Таңертең кәсіпорынның дәлізінде қызметкерлерді ұлттық киім киген батырлар мен арулар қуана қарсы алып, оларға кәсіподақ комитеті ұсынған дәмді бауырсақтарды таратты.
«Үздік дастархан» байқауына кәсіпорынның 13 цехы мен бөлімшесі қатысты. Әр дастархан ұлттық тағамдарға толы болды, жарысушылар өздерінің аспаздық таланттарын барынша көрсетуге тырысты. Жөндеуді дайындау және перспективалық даму бөлімінің дастарханы үздік деп танылып, бас жүлдені – су диспенсерін ұтып алды.
«Үздік әйелдер ұлттық киімі» номинациясында Химиялық жабдықтар жөніндегі инженер Сәрсенбина Гулдана Мейрамбекқызы, ал «Үздік ерлер ұлттық киімі» номинациясында Электр машиналарын жөндеу жөніндегі электрослесарь Төлепбек Темірлан Болатбекұлы жеңіске жетті. Олардың киімдері сұлулық пен ұлттық бірегейлікті көрсететін көркемділігімен көзге түсті.
Наурыз мерекесін тойлауға арналған салтанатты іс-шарада Өскемен ЖЭО техникалық директоры Нұрлан Ахметжанов химиялық цехтың ауысым бастығы Қарлығаш Әубәкірованың ұлы Жахангердің тұсауын кесті. Біздің ата-бабаларымыз егер тұсау кесер рәсімі жасалмаса, баланың болашағы бақытсыз болып, ал өмір жолында жиі сүрінетініне сенген. Егер әдет-ғұрып орындалса, онда сәбиді жарқын және сәтті тағдыр күтеді деп болжаған.
Бұл мерекелік оқиғалар кәсіпорын қызметкерлерінің күнделікті өмірін көркейтіп қана қоймай, оларға дәстүр мен мәдениеттің маңыздылығын көрсетті. Кәсіпорынның қабырғалары мерекелік көңіл-күй мен қуанышты эмоцияларға толып, өзара түсіністік пен келісім атмосферасы жайқалды.
